(روز نامہ قدس ۔آنلائن خبر رساں ادارہ ) ریاستی سرپرستی میں درجنوں غیر قانونی صیہونی آبادکاروں نے قبلہ اول پر دھاوا بولا اور یہودی مذہبی رسومات کی ادائیگی کے نام پر مقدس مقامات کی بے حرمتی کی,
مقامی ذرائع کے مطابق گذشتہ روز صیہونی پولیس اور خفیہ ادارے کے سادہ لباس میں ملبوس صیہونی اہلکاروں کے حفاظتی حصار میں طلباءو طالبات سمیت یہودی مذہبی شخصیات کے ساتھ درجنوں غیر قانونی شرپسند صیہونی آبادکاروں نے قبلہ اول پر دھاوا بولا اور مذہبی رسومات کی ادائیگی کے نام پر مسلمانوں کے مقدس مقامات کی بے حرمتی کی، شرپسند مسلح صیہونی آبادکاروں نے مسجد اقصیٰ میں داخل ہوکرمقدس مقام کی بے حرمتی کی اور مسجد اقصیٰ میں تلمودی تعلیمات کے مطابق مذہبی رسومات ادا کیں۔
صیہونی آبادکاروں کے دھاوے کے موقع پر قابض سیکیورٹی اہلکاروں نے مسلمانوں کو مسجد اقصیٰ سے بے دخل کرتے ہوئے تشدد کا نشانہ بھی بنایا۔