(روز نامہ قدس ۔آنلائن خبر رساں ادارہ ) قابض فوج کے بہیمانہ تشدد سے ایک فلسطینی باشندے کی بازوں کی ہڈیاں ٹوٹ گئیں جسے اپنی مدد آپ کے تحت فلسطینیوں نے ہسپتال منتقل کر دیا ہے تاہم زخمی ہونے والے فلسطینی کی حالت نازک بتائی جاتی ہے۔
مقامی ذرائع کے مطابق گزشتہ روز قابض ریاست اسرائیل میں بیت المقدس کے شہر شیخ جرح میں صہیونی فوج کے ہاتھوں بے گھر ہونے والے فلسطینی مظاہرین پرجوتوں اور بندوق کے بٹوں سے شدید تشدد کا نشانا بنایا جس کے باعث متعدد افراد کو سنگین نوعیت کے زخم آئے جبکہ ایک فلسطینی باشندے کی بازوں کی ہڈیاں ٹوٹ گئیں جسے اپنی مدد آپ کے تحت فلسطینیوں نے ہسپتال منتقل کر دیا ہے تاہم زخمی ہونے والے فلسطینی کی حالت خراب بتائی جاتی ہے۔
واضح رہے کہ شیخ جرح میں صہیونی فوج کے مظالم میں شدت کے واقعات میں اضافے کے باعث گذشتہ چند دنوں میں درجنوں شہریوں کوصہیونی غاصب فوج نے حراست میں لیتے ہوئے نا معلوم مقام پر منتقل کر دیاہے اور متعدد افراد کو شدید تشدد کا نشانہ بناتے ہوئے ہراساں کیا جا رہا ہے۔