(روز نامہ قدس ۔آنلائن خبر رساں ادارہ ) غیر قانونی مسلح صہیونی آبادکاروں کے گروہ نے نہتے فلسطینی گلہ بانوں پر حملہ کرکے متعددکو زخمی کردیا جبکہ مویشیوں کو لوٹ کر اپنے ہمرا لے گئے۔
مقامی ذرائع سے حاصل اطلاعات کے مطابق ایک درجن سے زائد غیر قانونی صہیونی مسلح آبادکاروں کے ایک گروپ نے وادی اردن کے مضافاتی علاقے میں فلسطینی گلہ بانوں پر حملہ کردیا جس کے نتیجے میں چار گلہ بان زخمی ہوگئے، آبادکاروں نے حملے کے بعد فلسطینیوں کے مویشیوں پر بھی دھاوا بولا اور درجنوں مویشیوں کو لوٹ کر لے گئے۔
واضح رہے کہ وادی اردن میں ساٹھ ہزار سے زائد فلسطینی آباد ہیں لیکن اس علاقے کا 90 فیصد سے زائد علاقہ اسرائیل نے "ایریا سی ” میں شامل کردیا ہے جس کو غیر قانونی صیہونی بستیوں کے لئے مختص کیا گیا ہے، یہاں سے فلسطینیوں کو بے دخل کرنے کے لئے قابض ریاست وہ تمام حربے استعمال کرتی ہے جس سے یہاں کے فلسطینیوں کو ہجرت پر مجبور کیا جاسکے۔