صیہونی فوج نے تین فلسطینیوں کو گھر وں میں گھس کر اغوا کرلیا

(روز نامہ قدس ۔آنلائن خبر رساں ادارہ ) صیہونی فوج نے نام نہاد تلاشی کے نام پر فلسطینیوں کے گھر وں پر چھاپہ مارا اور تینیوں فلسیطنیوں کو اغواکرنے کےبعدنامعلوم مقامات پر منتقل کردیا۔

علی الصبح قابض صیہونی فورسز نے مقبوضہ  بیت المقدس کے مغربی کنارے کے شہر سلفیت کے گاؤں سکاکا میں  تلاشی کے نام پر فلسطینیوں  کے گھروں میں لوٹ مار کی اور رہائشیوں کو تشدد کا نشانہ بنایا۔

یہ بھی پڑھیے

فلسطینی نوجوان کے ہاتھوں صہیونی پولیس اہلکار جہنم واصل ، نوجوان گرفتار

صہیونی فورسز نے اس دوران تین فلسطینیوں عزیز الفتاش، ولید خالد اور ایمن حرب کو گھروں میں گھس کر تلاشی لینے کے بعد انہیں  اغواکرکے نامعلوم مقامات پر متنقل کردیا

عزیز الفتاش پانچ بچوں کا باپ  ہے اور اسرائیل کی غیر قانونی حراست کی پالیسی کےتحت مجموعی طورپر 14 سال اسرائیلی جیلوں میں گزارچکا ہے ۔ دریں اثناء فلسطینی صحافی سابق زیر حراست ولید خالد 20 سال تک اسرائیلی جیلوں میں گزار چکے ہیں جبکہ ایمن حرب بھی اس سے پہلے اسرائیلی جیل میں قید رہ چکے ہیں ۔

واضح رہے کہ 2022 کے آغاز سے اب تک 3124 فلسطینیوں کو اسرائیلی قابض فوج نے یروشلم، مغربی کنارے اور غزہ کی پٹی سے حراست میں لیا ہے۔