صہیونیوں کے ہاتھوں القدس میں قدیم مسلم قبرستان کی مسماری

(روز نامہ قدس ۔آنلائن خبر رساں ادارہ ) قابض اسرائیلی انتظامیہ اس مقام پرایک عرصہ سے پارک بنانےکیلئے قبرستان کی زمین پر قبضہ کرنا چاہ رہی ہے جبکہ اسرائیلی انتطامیہ نے2016 میں بھی قدیم ترین باب الرحمہ قبرستان کی قبریں مسمار کی تھیں۔

عالمی ذرائع سے حاصل معلومات کے مطابق مقبوضہ بیت المقدس میں قابض اسرائیلی میونسپلٹی انتظامیہ نےاسرائیل کے حکومتی احکامات کے مطابق بلڈوزر سے مسجد اقصیٰ کے قریب الیوسفیہ کے مقام پر قدیم ترین مسلم قبرستان مسمارکردیا۔

صہیونی بلدیہ کے اس اقدام پر فلسطینی شہریوں کی جانب سے شدید احتجاج کیا گیا، مظاہرین نےبلدیاتی ادارے کے ساتھ مزاحمت کی اور دوبارہ نماز جنازہ ادا کر تے ہوئے باقیات کو دفن کیا، فلسطینیوں کے احتجاج کے دوران صہیونی فوج نے مظاہرین پر براہ راست ربر کی گولیاں برسائیں جس سے درجنوں فلسطینی زخمی بھی ہوئے تاہم قابض انتظامیہ کوقبروں کی مسماری کا کام روکنا پڑا لیکن قبرسان کا بڑے حصے کو نقصان پہنچا اوردرجنوں قبریں مسمارہو گئیں۔

خیال رہے کہ قابض اسرائیلی انتظامیہ ایک عرصہ سے پارک بنانےکیلئے قبرستان کی زمین پر قبضہ کرنا چاہ رہی ہے جبکہ اسرائیلی انتطامیہ نے2016 میں بھی قدیم ترین باب الرحمہ قبرستان کی قبریں مسمار کی تھیں۔