(روزنامہ قدس ۔آن لائن خبر رساں ادارہ) اگر قابض ریاست اسرائیل کا عام بجٹ 14 نومبر تک منظور نہ ہوا تو حکمران اتحاد خود بخود تحلیل ہو جائے گا اور اسرائیل میں پانچویں مرتبہ انتخابات کروائے جائیں گے۔
تفصیلات کے مطابق گذشتہ روز قابض ریاست اسرائیل میں صہیونی وزیر اعظم کی جانب سے اسرائیلی پارلیمان( کینسٹ) میں بجٹ کی منظوری سے متعلق خطاب میں اپنے سیاسی مخالفین پرتلخ جملوں کا تبادلہ کرتے ہوئے کہا کہ میں آپ کو یہ بتانا چاہتا ہوں کہ ہم یہاں کیا دیکھ رہے ہیں جب بجٹ کی منظور ی ملک کے استحکام کی بجائے دوسرے سیاسی معملات کے لیے کی جارہی ہے۔
انہوں نے سیاسی مخالفین کی جانب سے خود پر لگائے گئے الزامات کی نفی کرتے ہوئے مزید کہا کہ وہ اس ہفتے بجٹ میں کٹوتی کرنے اور پانچویں الیکشن میں جانے کے لیے کچھ نہیں کر رہے ہیں۔
انہوں نے کہا کہ میں سب کو یقین دلانا چاہتا ہوں کہ اس بجٹ کی منظوری اس لیے دی جائے گی تاکہ اسرائیلی حکومت کو استحکام ملے، اسرائیل کو اچھے اور پرسکون انتظام کی ضرورت ہے اور بجٹ اس لیے منظور کیا جائے گا کہ کوئی بھی لامتناہی انتخابات نہیں کروانا چاہتا۔
واضح رہے کہ اگر قابض ریاست اسرائیل کا عام بجٹ 14 نومبر تک منظور نہ ہوا تو حکمران اتحاد خود بخود تحلیل ہو جائے گا اور اسرائیل میں پانچویں مرتبہ انتخابات کروائے جائیں گے۔