(روزنامہ قدس ۔آن لائن خبر رساں ادارہ) تحریک حماس نے یورپی یونین سے مطالبہ کیا ہے وہ استحکام، بین الاقوامی قانون اور فلسطینیوں کے اپنی آزاد ریاست کے حق کی حمایت کا دعویٰ کرتی ہے تو اس معاہدے میں اسرائیل کی شمولیت کے اس فیصلے پرنظرثانی کرے۔
مقبوضہ فلسطین میں اسرائیلی جارحیت کے خلاف مستعداسلامی تحریک مزاحمت حماس نےگذشتہ روز اپنے ایک جاری بیان میں صہیونی ریاست اسرائیل کا یورپی یونین کے بڑے پیمانے پر شروع کیے گئے سائنسی تحقیق کے پروگرام ہوریزن یورپ میں شامل ہونے کے ایک معاہدے پر دستخط کی شدید الفاظ میں مذمت کی ہے اور اسے صہیونی حکمرانوں کی فلسطینیوں کے ساتھ کی جانے والی زیادتیوں پر حوصلہ افزائی قرار دیا ہے۔
تحریک حماس نے یورپی یونین سے مطالبہ کیا ہے وہ استحکام، بین الاقوامی قانون اور فلسطینیوں کے اپنی آزاد ریاست کے حق کی حمایت کا دعویٰ کرتی ہےجس کے بعد اس معاہدے میں اسرائیل کی شمولیت کے اس فیصلے پرنظرثانی کرے اور اسرائیل کو اس معاہدے سے باہر کرے، دوسرے معنی میں یورپی یونین کےاس نام نہاد سائنسی معاہدے میں اسرائیل کی شمولیت فلسطینیوں کے خلاف جرائم میں اضافے کا باعث بنے گاجس سے صہیونی فوج کو فلسطینیوں کے خلاف جرائم میں مدد ملے گی۔