(روز نامہ قدس ۔آنلائن خبر رساں ادارہ ) اردن کے فرمانرواں نے کہا ہے کہ اردن کو اسرائیل کے یک طرفہ اقدامات پر گہری تشویش ہے تاہم اردن مظلوم فلسطینیوں اور قابض اسرائیل کے درمیان تنازعات کو منصفانہ طریقے سے ختم کرنے کی کوششیںجاری رکھے گا۔
اردن کے فرمانروا شاہ عبداللہ دوم نے امریکا کے سرکاری دورے کے دوران امریکی قومی سلامتی کے مشیرجیک سلیوان سے ملاقات میں متعدد علاقائی امور خصوصاً فلسطین کے مسئلے اور دیگر مسائل پر بات چیت کی، شاہ عبداللہ نےقابض صیہونی ریاست کے یکطرفہ اقدامات پر گہری تشویش کا اظہارکرتے ہوئے کہاہے کہ اسرائیل کے اقدامات خطےمیں عدم استحکام کا باعث بن رہے ہیں، اسرائیل کو یک طرفہ اقدامات سے اجتناب کرنا ہوگا، اس موقع پر اردن کے ولی عہد شہزادہ الحسنی بن عبداللہ دوم اور امریکی کانگریس کے دیگر سینئر عہدیدار بھی موجود تھے۔