(روز نامہ قدس ۔آنلائن خبر رساں ادارہ ) عینی شاہدین کا کہنا ہے کہ فلسطینی بچے نے اپنی سائیکل پر فلسطینی جھنڈا لگایا ہوا تھا جس کو دیکھ کر صیہونی پولیس اہلکار آگ بگولہ ہوگئے، بچے کاپیچھا کیا اور فوجی گاڑی سے روندھ ڈالا۔
عینی شاہدین کے مطابق، اسرائیلی پولیس کی ایک گاڑی نے مقبوضہ بیت المقدس میں راس العمود میں کے علاقے میں پندرہ سالہ جوادعباسی کو اس وقت اپنی گاڑی تلے روندھ ڈالا جب وہ بچہ اپنی سائیکل پرفلسطینی پرچم بلند کئے ہوئے جارہاتھا، تین صیہونی پولیس اہلکاروں نے بچے کا پیچھا کیا اور تیزرفتار گاڑی سے ٹکر ماری جس کے نیتجےمیں بچہ بری طرح زخمی ہوگیا، صیہونی پولیس نے بچے کو زخمی حالت میں ہی گرفتارکرکے حراستی مرکز منتقل کردیا۔
واضح رہے کہ قابض صیہونی ریاست کی جانب سے مقبوضہ بیت المقدس میں فلسطینی پرچم کو عوامی مقامات پر لہرانے کی پابندی عائد ہے۔