(روزنامہ قدس ۔آن لائن خبر رساں ادارہ) قابض صہیونی فورسز کی جانب سے مسجد اقصٰی کے اجتماعات کے موقع پر متعدد پابندیاں اور مشکلات کھڑی کی جاتی ہیں جس کا مقصد القدس کے شہریوں کو بلاجواز پریشان کرکےمسجد میں ان کی آمد کم سے کم کرناہے تاکہ مسجد اقصٰی کو شہید کیے جانے کے صہیونیوں کے دیرینہ مذموم مقاصد بہرحال پورے ہوسکیں۔
ذرائع کے مطابق قابض ریاست اسرائیل میں صہیونی پولیس نے مسلمان نمازیوں کو بیت المقدس میں جمعہ کے روز نمازکی ادائیگی اور اجتماع میں شرکت سے روکنے کے لیے قبلہ اول کے راستے میں باب العمود پر رکاوٹیں کھڑی کر دیں جس کے نتیجے میں الاقصٰی میں نماز کے فریضے کے لیے پہنچنے والے فلسطینوں کو شدید مشکلات سے دو چار ہونا پڑا اور انہوں نے مسجد میں داخلے کے لیے متبادل راستوں کو اختیار کیا۔
صہیونی پولیس کی جانب سے مسجد اقصیٰ مختلف راستوں سے داخل ہونے والے مسلمانوں کو بغیر کسی وجہ کے سخت سیکیورٹی انتظامات سے گزارتے ہوئے تلاشیوں کو سلسلہ جاری رہا یہاں تک کےفلسطینی باشندوں نے نماز جمعہ کی ادائیگی کی اور بھاری رکاوٹوں کو ہٹانے کی اجازت نہ ہونے کی صورت میں مختلف دور دراز کے علاقوں سے واپسی کا سفر طے کیا۔
واضح رہے کہ قابض صہیونی فورسز کی جانب سے مسجد اقصٰی کے اجتماعات کے موقع پر متعدد پابندیاں اور مشکلات کھڑی کی جاتی ہیں جس کا مقصد القدس کے شہریوں کو بلا جواز پریشان کرکےمسجد میں ان کی آمد کم سے کم کرناہے تاکہ مسجد اقصٰی کو شہید کیے جانے کے صہیونیوں کے دیرینہ مذموم مقاصد بہرحال پورے ہوسکیں۔