(روزنامہ قدس ۔آنلائن خبر رساں ادارہ) گلبوہ جیل شمالی اسرائیل میں بیت شیان کے علاقے میں واقع ہے جو آئرلینڈ کے ماہرین کی نگرانی میں بنائی گئی تھی اور 2004 میں استعمال کے لیے کھولی گئی تھی۔
ذرائع کےمطابق مقبوضہ فلسطین میں صہیونی بدنام زمانہ جیل گلبوہ سےفرار ہونے والے 6فلسطینی قیدیوں کی روپوشی کے حوالے سے اسرائیلی حکام جواب دینے سے قاصر ہیں تاہم قیدیوں کی ناکام تلاش تاحال جاری ہے۔ خیال رہے کہ فرار ہونے والے فلسطینی صہیونی زندان سے رہائی پائی۔
اسرائیل کے سیکورٹی آرسنل کو فرار ہونے والے قیدیوں کو پکڑنے کے لیے تعینات کیا گیا ہے جس میں ڈرون، سڑکوں پر چوکیاں اور جنین کے لیے ایک آرمی مشن شامل ہے۔
اسرائیل میں ان قیدیوں کی تلاش کے لیے سرچ آپریشن بھی کیے جارہے ہیں جبکہ سیکورٹی فورسز کی تمام شاخوں کو قیدیوں کو تلاش کرنے کے لیے متحرک کیا گیا ہےجن میں فوج ،شن بیٹ (اندرونی سیکورٹی سروس)،پولیس،بارڈر گارڈز اور ان کے خصوصی یونٹ شامل ہیں۔
واضح رہے کہ گلبوہ جیل شمالی اسرائیل میں بیت شیان کے علاقے میں واقع ہے جو آئرلینڈ کے ماہرین کی نگرانی میں بنائی گئی تھی اور 2004 میں استعمال کے لیے کھولی گئی تھی، یہ انتہائی سخت سکیورٹی والی جیل ہے جس میں وہ فلسطینی قیدی رکھے جاتے ہیں جن پر اسرائیلیوں کو نشانہ بنانے کا الزام ہے