(روز نامہ قدس ۔آنلائن خبر رساں ادارہ ) وڈیو میں ایک شخص جس کی مشابہت کافی حد تک فرار ہونے والے ان دو فلسطینیوں مناضل يعقوب اور ايهم فؤاد میں سے ایک سے ملتی ہے۔
ذرائع کے مطابق گذشتہ روز مقبوضہ فلسطین میں اسرائیلی مقامی نشریاتی ادارے کے مطابق صہیونی جیل گلبوع سے فرار ہونے والے چھ فلسطینیوں میں سےجمعہ اور ہفتے کی شام تک چار کی دوباری گرفتاری کے بعد قابض صہیونی فوج کو ایک وڈیو ملی ہےجس میں شبہ کیا جارہا ہے کہ وڈیو میں ایک شخص جس کی مشابہت کافی حد تک فرار ہونے والے ان دو فلسطینیوں مناضل يعقوب اور ايهم فؤاد میں سے ایک سے ملتی ہے۔ وڈیو کے مطابق یہ شخص مغربی کنارے کے شمال میں الجلمہ گاؤں کے نزدیک اسرائیلی دیوار میں کھلے ایک دہانے کے راستے گرین لائن عبور کر رہا ہے۔
واضح رہے کہ قابض ریاست میں صہیونی فوج کی جانب سے سخت حفاظتی انتظامات کے ساتھ سرچ آپریشن جاری ہے اور اب اس دیوار پر نگرانی کی جارہی ہے جو کہ فلسطینی مزدور گرین لائن کے اندر علاقوں تک جانے کے لیے استعمال کرتے ہیں۔