(روزنامہ قدس ۔آن لائن خبر رساں ادارہ) انسانی حقوق کی عالمی تنظیموں اورعالمی برادری سے اسرائیل پر دباؤ کی اپیلں کی جارہی ہیں اور بین الاقوامی سطح پر بھی قیدیوں کے ساتھ اظہار یکجہتی کی جارہی ہے تاہم عالمی اداروں کی اسرائیل کے سامنے تاحال خاموشی ایک مجرمانہ غفلت ہے۔
ذرائع سے موصول ہونے والی اطلاعات کے مطابق مقبوضہ فلسطین میں قابض ریاست اسرائیل کی جانب سے غیر قانونی حراست میں لیے گئے 7 فلسطینی قیدیوں کی حالت مسلسل جاری احتجاجی بھوک ہڑتال کی وجہ سے انتہائی خطرے سے دوچار ہے۔
اسرائیل کی فوجی عدالت مسلسل بے حسی کا مظاہرہ کرتے ہوئے قیدیوں کی فوری رہائی کے حکم نامے جاری کر نے سے انکاری ہےجس پر صہیونی جیل میں اپنی بغیر کسی جرم کے اس قید کے خلاف فلسطینی اسیر مقداد القواسمی کی بھوک ہڑتال 105ویں روز میں داخل ہوچکی ہے جبکہ قیدی کے جسم کے اہم حصے کام کرنا چھوڑ گئے ہیں اور وہ کسی بھی وقت موت کے منہ میں جا سکتا ہے۔
خیال رہے کہ فلسطینی سماجی تنظیموں اور اسیران کی کمیٹی قیدی کلب کی جانب سے قیدیوں کے ساتھ اسرائیلی حکام کے غیر انسانی سلوک پر انسانی حقوق کی عالمی تنظیموں اورعالمی برادری سے اسرائیل پر دباؤ کی اپیلں کی جارہی ہیں اور بین الاقوامی سطح پر بھی قیدیوں کے ساتھ اظہار یکجہتی کی جارہی ہے تاہم عالمی اداروں کی اسرائیل کے سامنے تاحال خاموشی ایک مجرمانہ غفلت ہے۔