(روزنامہ قدس ۔آن لائن خبر رساں ادارہ) صہیونی وزارت نے دعویٰ کیا ہے کہ مذکورہ فلسطینی اداروں کی وابستگی عوامی محاذ برائے آزادی فلسطین نامی تنظیم سے ہے۔
تفصیلات کے مطابق صہیونی ریاست اسرائیل کی جانب سے 6فلسطینی تنظیموں کو دہشتگرد قرار دیتےہوئے پابندی عائد کردی گئی ہے۔
اس حوالے سے صہیونی وزارت دفاع نے دعویٰ کیا ہے کہ مذکورہ فلسطینی اداروں کی وابستگی عوامی محاذ برائے آزادی فلسطین فلسطین پاپولر فرنٹ(پی ایف ایل ایف) نامی تنظیم سے ہے جو اسرائیل کے خلاف مزاحمتی کارروائیاں کرتی رہی ہیں جس کے نتیجے میں ماضی میں اسرائیلیوں کی ؎ہلاکتیں ہوئی ہیں۔
قابض ریاست کی جانب سے جن فلسطینی اداروں پر پابندی عائد کی گئی ہے ان میں الحق، الضمیر، بیسان مرکز، بچوں کے دفاع کی عالمی تحریک کی فلسطینی شاخ، عرب خواتین گروپوں اور زراعت سے متعلق امور کی تنظیموں کا اتحاد شامل ہے۔