(روز نامہ قدس ۔آنلائن خبر رساں ادارہ ) انسانی حقوق تنظیم نے فلسطینی کارکن کی گرفتاری اور غیر انسانی سلوک کی کھل کے مذمت کی ہے اور ان کی زندگی کے حوالے سے خطرات کی تمام تر ذمہ داری صہیونی ریاست پرعائد کی ہے۔
ذرائع کے مطابق گذشتہ روز قابض ریاست اسرائیل کے خفیہ جاسوسی ادارے کے اہلکاروں نےغرب اردن کے جنوبی علاقوں کے ڈائریکٹراور قانون دان ایڈووکیٹ فرید الاطرش جو انسانی حقوق کارکن بھی ہیں کوبد ترین تشدد کا نشانہ بناتے ہوئے حراست میں لیااورنامعلوم تفتیشی مرکز منتقل کردیا جہاں سخت جسمانی ریمانڈ کے باعث فرید الاطرش کی حالت بگڑگئی جس کے بعد خفیہ ادارے کے صہیونی اہلکاروں نے انہیں فوری طور پر ھداسا ہسپتال منتقل کردیاہے ۔
فلسطین میں فری ہیومن رائٹس کمیشن کے دفتر کی جانب سے فرید الاطرش کی گرفتاری اور غیر انسانی سلوک کی کھل کے مذمت کی ہے اور فرید الاطرش کی زندگی کو لاحق خطرات کی تمام تر ذمہ داری صہیونی ریاست پرعائد کی ہے۔
فلسطین میںفری ہیومن رائٹس کمیشن نےصہیونی حکام سے فرید الاطرش کی فوری رہائی کا مطالبہ کرتے ہوئے عالمی برادری اور انسانی حقوق کی عالمی تنظیموں سے اپیل کی ہے کہ وہ تشدد کا شکار انسانی حقوق کارکن کی رہائی کے لیے اقدامات کریں۔