(روزنامہ قدس ۔آن لائن خبر رساں ادارہ) شہید معمر فلسطینی اپنے خاندان کے دیگر افراد سے ملنے کے بعد واپس آرہے تھے جب30 سے 40 فوجیوں نے انھیں روکااور مزاحمت پر انہیں گرفتارکرکے تشدد کیا گیا بعدازاں فوجی بزرگ کو مردہ حالت میں عمارت میں چھوڑ گئے۔
ذرائع کے مطابق گذشتہ علی الصبح مقبوضہ مغربی کنارےمیں رام اللہ کے جیلجیلیا قصبے میں قابض صہیونی فوج نے چھاپا مارکارروائی کی جس کے نتیجے میں درجنوں فلسطینیوں کو تشددکا نشانہ بنایا گیا تاہم ایک عمارت سے ایک 80 سالہ ضعیف العمر فلسطینی کی ہتھکڑی لگی لاش برآمد ہوئی جنہیں تشدد کیا گیا تھا۔
ذرائع نے بتایا ہے کہ شہید ہونے والے معمر فلسطینی کانام عمرعبدالمجید اسعد ہے جو اپنے خاندان کے دیگر افراد سے ملنے کے بعد واپس آرہے تھے جب30 سے 40 فوجیوں نے انھیں روکااور فوج کے آگے مزاحمت پر انہیں گرفتارکرکے تشدد کیا گیا بعدازاں فوجی بزرگ کو مردہ حالت میں عمارت میں چھوڑ گئے۔
صہیونی فوجیوں کے قصبے سے جانے کے بعدعبدالمجیداسعد کی تشدد زدہ نعش ایک زیرتعمیرعمارت سے ملی تھی تاہم فلسطینی وزارت صحت نےبزرگ کی موت کی وجہ’’دل کا دورہ‘‘بتائی ہے۔
خیال رہے کہ مقبوضہ مغربی کنارے میں فلسطینی آبادی کے مراکز میں اسرائیلی فوجیوں کی دراندازی کے دوران میں اکثرجھڑپیں ہوتی ہیں اورصہیونی فوج روزانہ کی بنیاد پر مزاحمتی سرگرمیوں میں شریک فلسطینیوں کی گرفتاری کے لیےنام نہاد چھاپا مارکارروائیاں کرتے ہیں۔