(روزنامہ قدس ۔آن لائن خبر رساں ادارہ) الجزیرہ چینل نے قابض ریاست پر الزام عائد کیا ہے کہ صہیونی فوجیوں نے 51 سالہ شیریں ابو عاقلہ کو جان بوجھ کر گولی ماری ہےاور ان کے ساتھ موجود الجزیرہ کے پروڈیوسر کو بھی گولیوں کا نشانہ بنایا۔
عالمی خبر رساں ادارے کے مطابق گذشتہ روز قطر میں واقع نیوز چینل الجزیرہ کی خاتون صحافی شیریں ابو عاقلہ کومقبوضہ فلسطینی علاقے غربِ اردن میں غاصب صہیونی فوجیوں نے فلسطینیوں پر حملے کے دوران گولی مار کر شہید کر دیا تھاجس کے بعد ادارے کے جانب سے بین الاقوامی سطح پر اسرائیل کے خلاف صحافتی آزادی کی خلاف ورزی پرآواز اٹھانے کا مطالبہ کیا گیاہے۔
الجزیرہ چینل نے قابض ریاست پر الزام عائد کیا ہے کہ صہیونی فوجیوں نے 51 سالہ شیریں ابو عاقلہ کو جان بوجھ کر گولی ماری ہےاور ان کے ساتھ موجود الجزیرہ کے پروڈیوسر کو بھی گولیوں کا نشانہ بنایا۔
الجزیرہ نیوز ٹی وی نے عالمی برادری سے اپیل کی ہے کہ وہ ان کی رپورٹر شیریں کو ‘جان بوجھ کر مارنے‘ کے لیے اسرائیلی فوج کی مذمت کریں اور اسرائیل کےبڑھتےہوئے غیر قانونی اقدامات پر عالمی عدالت کے کٹہرے میں جواب طلبی کی جائے۔
یاد رہے کہ الجزیرہ کی مشہور صحافی شیریں ابو عاقلہ غربِ اردن کے شہر جنین میں اسرائیلی کارروائی کو کور کرنے کےلیےایک روز قبل وہاں پہنچی تھیں،تاہم گولی لگنے کے کچھ ہی دیر بعد خاتون کی شہادت ہو گئی تھی۔