(روزنامہ قدس ۔آن لائن خبر رساں ادارہ) قابض فوج نے فلسطینی کے گھر کی قیمتی اشیا ء لوٹ لیں اور روائیتی توڑ پھوڑ کے ذریعے املاک کو بری طرح نقصان پہنچایا جبکہ کھڑکیوں کے شیشے بھی توڑ ڈالے۔
ذرائع کے مطابق گذشتہ روز مقبوضہ فلسطین میں صہیونی قابض فوج نے ایک فلسطینی نوجوان کے گھر میں داخل ہوکر اسے وحشیانہ تشدد کا نشانہ بنایا اور فوجی گاڑی میں ڈال کر نامعلوم مقام پر منتقل کردیا۔
عینی شاہدین کے مطابق فلسطینی نوجوان حمزہ الجولانی کوقابض فوج نے اس وقت تشدد کر تے ہوئے حراست میں لیا کہ جب وہ اپنے گھر میں اپنے خاندان کے ساتھ موجود تھا۔
واضح رہے کہ صہیونی حراست میں نامعلوم مقام پر منتقل کیے جانے والے فلسطینی نوجوان کے حوالے سےصہیونی جیل انتظامیہ کی جانب سے تاحال کسی قسم کی معلومات مہیا نہیں کی گئی ہےجس کے باعث نوجوان کے خاندان اور اہل علاقہ کی جانب سے جیل کے سامنے احتجاج کیا جارہا ہے۔