(روزنامہ قدس ۔آن لائن خبر رساں ادارہ) قابض فوج نے فلسطینیوں پر لاٹھی چارج کرتے ہوئے کم سے کم 18 بے گناہوں کو گرفتار کر لیا اور فوجی گاڑیوں میں ڈال کر نامعلوم مقام پر منتقل کر دیا۔
ذرائع کے مطابق گذشتہ روز مقبوضہ فلسطین میں قابض اسرائیلی فوج کی جانب سے مغربی کنارے میں صہیونی غیر قانونی آبادکاری کے خلاف مظاہرین پر دھاوا بولا گیا اور مظاہرین پر بدترین آنسو گیس کی شیلنگ کی گئی۔
قابض فوج نے فلسطینیوں پر لاٹھی چارج کرتے ہوئے کم سے کم 18 بے گناہوں کو گرفتار کر لیا اور فوجی گاڑیوں میں ڈال کر نامعلوم مقام پر منتقل کر دیا۔
خیال رہے کہ مقبوضہ فلسطین میں اسرائیلی فورسز کی جاری بربریت کے نتیجے میں اب تک ہزاروں فلسطینی معذور ہوچکے ہیں جبکہ سینکڑوں صہیونی غیر قانونی جیلوں میں اسیری کی زندگی گزارنے پر مجبور ہیں۔