(روزنامہ قدس ۔آن لائن خبر رساں ادارہ) شامی فوج نےبھی جوابی کارروائی کرتے ہوئے اسرائیل کے مزید میزائلوں کواہداف تک پہنچنے سے روکا اور عوام کو جانی نقصان سے بچالیا۔
تفصیلات کے مطابق گذشتہ روز قابض صہیونی فوج کے جنگی طیاروں نے ملک شام کے دارالحکومت دمشق کے قریب وحشیانہ کارروائی کی جس کے نتیجے میں املاک کو شدید نقصان پہنچا جبکہ 3 شامی فوجیوں کے شہید کیے جانے کی اطلاعات بھی موصول ہوئی ہیں۔
ذرائع نے بتایا ہے کہ قابض فضائیہ کے طیاروں نے شہری آبادی کو بھی نشانہ بنانے کی کوشش کی جسے روکتے ہوئے 3 فوجی شہید اور7 شدید زخمی ہو گئے، شامی فوج کیجانب سے بھی جوابی کارروائی کرتے ہوئے اسرائیل کے مزید میزائلوں کواہداف تک پہنچنے سے روکا اور عوام کو جانی نقصان سے بچالیا۔
واضح رہے کہ قابض اسرائیل کی جانب سے صہیونی فوج آئے دن ملک شام کی سرحدوں پر حملہ آور ہوتی رہتی ہےاور شہری آبادی کی طرف بڑھنے کی کوشش کرتی ہے جس کا دفاع کرتے ہوئے اکثر شامی فوجیوں کی شہادتیں ہوتی ہیں اوراملاک کو نقصان پہنچتا ہے، تاہم اسرائیل ان حملوں کے حواسے تردید ی یا اعترافی بیان کم ہی جاری کرتا ہے۔