(روزنامہ قدس ۔آن لائن خبر رساں ادارہ) حماس رہنما نےکہا کہ مغربی کنارے میں فلسطینی اتھارٹی اپنے عوام کے خلاف دشمن کے ہاتھ مضبوط کررہی ہےتاہم فلسطینیوں کو پسپائی کی طرف دھکیلنے میں کامیابی نہیں ہو گی۔
عالمی ذرائع ابلاغ کے مطابق مقبوضہ فلسطین میں صہیونی ریاستی دہشت گردی کے خلاف بر سر پیکار اسلامی تحریک مزاحمت حماس کے بیرونی ملک قیادت کے رکن سامی ابو زہری نے کہا ہے کہ اسرائیل ناجائز ریاست ہے اوراپنی سرزمین پر دشمن کے خلاف فلسطینیوں کی فتح کی نشانیاں ظاہر ہونے لگی ہیں، ہم ہر محاذ پر دشمن سے مقابلے کی صلاحیت رکھتے ہیں اور مکمل تیار ہیں۔
سامی ابو زہری نے غزہ کی پٹی میں حماس کے میڈیا ڈپارٹمنٹ کے میڈیا ریلیشنز کی طرف سے منعقدہ ایک اجلاس میں واضح کیا کہ قابض ریاست کے ساتھ جنگ ہمارے لوگوں کے خلاف دشمن کے جرائم کے تسلسل کے تناظر میں ہو رہی ہےاور سرایا القدس جو ایک سال قبل ہوئی تھی اس مسئلے کی تاریخ میں ایک اہم موڑ کی نمائندگی کرتی ہے جس پر ہم آپ کواس جنگ کے نتائج دکھا رہے ہیں۔
انہوں نے کہا کہ قابض ریاست کا مقدر زوال اور تباہی کے سوا کچھ نہیں اسے امریکا کی طرف سے ملنے والی تمام حمایت اور امداد کچھ کام نہیں آئے گی۔
سامی ابو زہری نے مقبوضہ مغربی کنارے کی کشیدہ صورت حال سے متعلق کہا کہ اتھارٹی قابض اسرائیل کی طرف سے سیکیورٹی کوآرڈینیشن کے تابع ہےاور اپنے عوام کے خلاف دشمن کے ہاتھ مضبوط کررہی ہےتاہم اتھارٹی اور قابض اسرائیل کے درمیان سیکیورٹی تعاون کی کارروائیاں ہمارے لوگوں کو پسپائی کی طرف دھکیلنے میں کامیاب نہیں ہوں گی۔