(روزنامہ قدس ۔آن لائن خبر رساں ادارہ) صہیونی عدالت کی جانب سے بغیر کسی قانونی وجہ کے قیدی کی رہائی کی تاریخیں بڑھاکر اس میں غیر معینہ مدت کے اضافے کے اختیارات بھی موجود ہیں جس کے ذریعے فلسطینی قیدی مدتوں اسیری کی زندگی گزارنے پر مجبور کر دیے جاتے ہیں۔
تفصیلات کے مطابق گذشتہ روز اسرائیل کی صہیونی فوجی عدالت میں فلسطینی نوجوان قیدی یوسف عفانہ کو بغیر کسی جرم کے 8 ماہ قید کی سزا سنادی گئی۔
صہیونی عدالت نے نوجوان پر کالعدم تنظیم کے سہولت کار ہونے کے بے بنیاد الزام کے ساتھ ساتھ جھڑپوں میں اسرائیلی فوجیوں پر پتھراؤ کے الزامات بھی9 عائد کیے ہیں جس کے بعد فلسطینی نوجوان کو 8 ماہ کے لیے جیل میں قید کر دیا گیا ہے البتہ قابض عدالت کے غیر منصفانہ احکامات پر اس آٹھ ماہ کی قید میں مزید اضافے کے بھی امکانات موجود ہیں۔
واضح رہے کہ صہیونی عدالت کی جانب سے بغیر کسی قانونی وجہ کے قیدی کی رہائی کی تاریخیں بڑھاکر اس میں غیر معینہ مدت کے اضافے کے اختیارات بھی موجود ہیں جس کے ذریعے فلسطینی قیدی مدتوں اسیری کی زندگی گزارنے پر مجبور کر دیے جاتے ہیں۔