(روزنامہ قدس ۔آن لائن خبر رساں ادارہ) اقصیٰ مسجد میں صہیونی شر پسندوں کے منظم گروپ نے مراکشی دروازے سے داخل ہوکر عبادت گزاروں کو تشدد کا نشانہ بنایاساتھ ہی صہیونی فوج کی سرپرستی میں مسجد اقصیٰ کے صحنوں میں آزادانہ گھوم کر فلسطینیوں پر اشتعال انگیز نعرے لگائے۔
تفصیلات کے مطابق گذشتہ روز مقبوضہ بیت المقدس میں صہیونی آبادکاروں نے ایک بار پھر مسجد اقصٰی پر دھاوا بولااوراسرائیلی فوج کی سرپرستی میں مسجد کے مقدس مقامات کی بے حرمتی کی ۔
اقصیٰ مسجد میں صہیونی شر پسندوں کے منظم گروپ نے مراکشی دروازے سے داخل ہوکر عبادت گزاروں کو تشدد کا نشانہ بنایاساتھ ہی صہیونی فوج کی سرپرستی میں مسجد اقصیٰ کے صحنوں میں آزادانہ گھوم کر فلسطینیوں پر اشتعال انگیز نعرے لگائے۔
واضح رہے کہ اسرائیلی فوج صہیونی آبادکاروں کو ہر مقام پر فلسطینیوں کے ساتھ تصادم میں تحفظ فراہم کرتی ہے اور صہیونی آبادکار فلسطینیوں کو مذہب کے نام پر اشتعال دلاتے ہیں جس کے رد عمل میں دونوں جانب سے جھڑپوں کا آغاز ہو جاتا ہے جس کے نتیجے میں درجنوں افراد زخمی اور گرفتار کر لیے جاتے ہیں۔