(روزنامہ قدس ۔آن لائن خبر رساں ادارہ) صہیونی آباد کاروں نے فلسطینیوں کے کاشت کاری کے اوذار ضبط کر لیے جبکہ شرپسندوں کی جانب سے اس اچانک دھاوے میں مقامی سماجی تنظیم کے کارکنا ن کو بھی تشدد کا نشانہ بنایا۔
ذرائع کے مطابق گذشتہ روز مقبوضہ مغربی کنارے کے قصبے صوریف میں صہیونی آباد کاروں کے ایک گروپ نے زیتون کی کٹائی کے موقع پر فلسطینی کاشت کاروں سمیت سماجی تنظیم امن کے کارکنان پر لاٹھیوں اور پتھروں سے حملہ کردیا جس کے نتیجے میں کم سے کم 8 افرادشدید زخمی ہوگئے ۔
شرپسندوں کی جانب سے اس اچانک دھاوے میں امن کے کارکنا ن بھی تشدد کا نشانہ بنے جبکہ صہیونی آباد کاروں نے فلسطینیوں کے کاشت کاری کے اوذار ضبط کر لیے ۔
قابض ریاست میں صہیونی آبادکاروں کےنہتے فلسطینیوں پر دھاوے اور تدشش کو روکنے کےلیے کسی قسم کا کوئی قانون نہیں بنایا گیا ہے جو انہیں ان حرکات سے باز تکھ سکے تاہم شرپسندوں کے ہارھوں زخمی ہونے والے فلسطینی باشندوں سمیت تنظیم کے افراد کو قریبی ہسپتال منتقل کر دیا گیا جہاں انہیں طبی امداد فراہم کی جارہی ہے۔
واضح رہے کہ فلسطینی باشندے عام طور پر اپنی گزر بسر کھیتی باڑی کے ذریعے کر تے ہیں جن میں زیتون کا پھل انتہائی اہمیت کا حامل ہے اور معاشی ضروریات کے پورا کر نے میں کلیدی کر دار ادا کرتا ہے۔
.