(روز نامہ قدس ۔آنلائن خبر رساں ادارہ ) صہیونی شر پسندوں نے فلسطینی کوزخمی کر نے کے بعد اس کے پاس موجود رقم لوٹ لی اور موقع سے فرار ہوگئے جس کے بعد مقامی رہائشیوں نے اپنی مدد آپ کے تحت زخمی شہری کو ہسپتال منتقل کردیا۔
ذرائع کے مطابق گذشتہ روز صہیونی ریاست میں مقبوضہ مغربی کنارے کے شہر نابلس کے جنوب میں مادماقصبے کے قریب صہیونی غیر قانونی آبادکاروں کے ایک شر پسند گروپ نے راہ گیر نہتے فلسطینی کو زدوکوب کیا اور اس پر فائرنگ کر دی جس کے نتیجے میں فلسطینی بری طرح زخمی ہوگیا۔
صہیونی آباد کار وں نے نہتے فلسطینی کوزخمی کر نے کے بعد اس کے پاس موجود رقم لوٹ لی اور موقع سے فرار ہوگئے جس کے بعد مقامی رہائشیوں نے اپنی مدد آپ کے تحت زخمی شہری کو ہسپتال منتقل کر دیا۔
مزیدمعلومات کے مطابق صہیونی آباد کاروں کے ہاتھوں بری طرح زخمی ہونے والے فلسطینی کی حالت اب خطرے سے باہر بتائی جاتی ہے۔