(روز نامہ قدس ۔آنلائن خبر رساں ادارہ ) مسلح صہیونی آبادکاروں کے ایک گروہ نے راہ گیر فلسطینی باپ اور بیٹے پر شدیدپتھراؤ کیا لاٹھیوں اور بندوق کے بٹوں سے تشدد کا نشانہ بناکرانہیں لہولہان کردیا۔
ذرائع کے مطابق آج صبح مقبوضہ مغربی کنارے کے جنوب میں واقع مسافر یطا کے مغير العبید علاقے میں صہیونی آباد کاروں کے ایک گروہ نےایک 55 سالہ فلسطینی باپ اور ان کے 23 سالہ بیٹے پر لاٹھیوں اور پتھروں سے حملہ کر کے شدید زخمی کر دیا۔
فلسطینی اینٹی وال آبادکاری کےخلاف کمیٹیوں کے کوآرڈینیٹر، شرحب جبار نےاپنے بیان میں بتایا ہے کہ مسلح آباد کاروں کے ایک گروہ نے راہ گیر باپ بیٹے پر شدیدپتھراؤ اور بندوق کے بٹوں سے تشدد کیا اور انہیں لہولہان کر دیاتاہم دونوں فلسطینیوں کو فوری طبی امداد کے الخلیل کے ایک اسپتال لے جایا گیا ہے جہاں زخمیوں کی حالت تشویشناک ہے۔
واضح رہے کہ مقبوضہ مشرقی بیت المقدس سمیت مقبوضہ مغربی کنارے میں 256صہیونی غیر قانونی بستیوں میں تقریبا 700،000 صہیونی آباد کار آباد ہیں جن کو بین الاقوامی قانون کے تحت غیر قانونی قرار دیے جانے کے باوجود اسرائیل کی جانب سے ان بستیوں میں توسیع جاری ہے۔