(روزنامہ قدس ۔آنلائن خبر رساں ادارہ) صہیونی طلبا اور انٹیلی جنس اہلکاروں سمیت درجنوں انتہا پسندوں نے مراکشی دروازے کے راستے مسجد اقصیٰ کے صحن میں جوتوں سمیت داخل ہوکر اشتعال انگیز چکر لگائے۔
مقبوضہ بیت المقدس میں فلسطینی محکمہ اوقاف کے جاری کردہ بیان کے مطابق گذشتہ روز قابض ریاست اسرائیل میں شرپسند عناصر کی جانب سے صہیونی آباد کاروں کے منظم گروہ نے مسجد اقصٰی پر دھاوا بولا اور مقدس مقامات کی بے حرمتی کی ۔
صہیونی طلبا اور انٹیلی جنس اہلکاروں سمیت درجنوں انتہا پسندوں نے مراکشی دروازے کے راستے مسجد اقصیٰ کے صحن میں جوتوں سمیت داخل ہوکر اشتعال انگیز چکر لگائے۔
خیال رہے کہ جمعہ اور ہفتہ کے علاوہ ہفتے کے باقی ایام میں صہیونی آباد کارمسجد اقصیٰ پر دھاوے بولتے اور تلمودی تعلیمات کے مطابق مسجد اقصیٰ کی حرمت کو پامال کرنے والے اشتعال انگیز اقدامات وحرکات کرتے ہیں۔ یہودی آباد کاروں کو قبلہ اول پر دھاووں کے لیے فول پروف سیکیورٹی فراہم کی جاتی ہے جبکہ صہیونی فوج کی جانب سے فلسطینیوں کو قبلہ اول میں نماز کی ادائیگی سے روکنے کے لیے طاقت کا بے دریغ استعمال کیا جاتا ہے۔