(روز نامہ قدس ۔آنلائن خبر رساں ادارہ ) غیر قانونی مسلح صہیونی آبادکاروں کے گروہ نے نہتے فلسطینی شہریوں کے گھروں پر حملہ کرکے متعددگھروں اور درجنوں گاڑیوں کے شیشے توڑ ڈالے اور قیمتی سامان لوٹ لیا۔
مقامی ذرائع سے حاصل اطلاعات کے مطابق گذشتہ شب درجنوں غیر قانونی صہیونی مسلح آبادکاروں کے ایک گروپ نے بیت حنین کے مقام پر فلسطینی علاقے میں داخل ہوکر رہائشیوں کے گھروں اور گاڑیوں پر حملہ کردیا جس کے نتیجے میںکم سے کم 12فلسطینی زخمی ہوگئےجبکہ متعدد گھروں اور درجنوں گاڑیوں کے شیشے توڑ ڈالے۔
آبادکاروں کے منظم گروہ نے کئی گھروں کے اندر لوٹ مار مچائی اور قیمتی سامان لوٹ کر لے گئے البتہ مزاحمت کر نے والے فلسطینیوں کو بندوق کے بٹوںسے زخمی کردیا۔
واضح رہے کہ مقبوضۃ فلسطین میں صہیونی آبادکارفلسطینی شہریوں کو تنگ کرنے اور انہیں ان کے آبائی علاقوں سے بے دخل کر نے کے لیےشرانگیزیاں کر تے رہتے ہیں جس کا نوٹس کوئی قانونی ادارہ نہیں لیتا ہے۔