(روزنامہ قدس ۔آن لائن خبر رساں ادارہ) اسرائیلی آبادکار کی گاڑی سے زخمی فلسطینیوں کو سڑک پر موجود شہریوں نے اپنی مدد آپ کے تحت ہسپتال منتقل کردیا جہاں دونوں نوجوانوں کی حالت نازک بتائی جارہی ہے۔
تفصیلات کے مطابق گذشتہ روز مقبوضہ بیت المقدس کے علاقے سلوان میں صہیونی غیر قانونی آباد کار کی تیز رفتار گاڑی سے دو فلسطینی نوجوان شدید زخمی ہو گئے۔
سلوان کے نزدیک صہیونی بستی سے آنے والے غیر قانونی آبادکار نےاپنی گاڑی کی رفتار اس وقت بڑھادی جب کہ راہگیر فلسطینی نوجوان سڑک عبور کر رہے تھے، ٹکر کے بعد صہیونی آبادکار نے گاڑی کی رفتار بڑھادی اور غیر قانونی بستی میں جا کر گمنام ہو گئی جبکہ سڑک پر زخمی فلسطینیوں کو اپنی مدد آپ کے تحت ہسپتال منتقل کردیا جہاں دونوں نوجوانوں کی حالت نازک بتائی جارہی ہے۔