سعودیہ کاقابض اسرائیل کیلیے فضائی حدود کھولنا مسلم امہ سے خیانت ہے، حزب اللہ

(روزنامہ قدس ۔آن لائن خبر رساں ادارہ) شیخ نبیل قاووق  نےبیان میں کہا ہے کہ سعودی عرب اسرائیلی جہازوں کو حرمین شریفین کے اوپر سے پروازوں کی اجازت دینے کا فیصلہ ڈیڑھ ارب سے زائد مسلمانوں کی توہین اور ان کے جذبات بھڑکانے کے مترادف ہے۔

تفصیلات کے مطابق حزب اللہ کی مرکزی کونسل کے رکن شیخ نبیل قاووق کے جاری کردہ بیان میں سعودی عرب کے قابض صہیونی ریاست کیلیے جٖائی حدود کھولنےکی سخت الفاظ میں مذمت کی ہے اور اسے مسلم امہ سے خیانت اوراسرائیل کےساتھ جرائم میں شراکت قرار دیا ہے۔

یہ بھی پڑھیے

حزب اللہ کاصہیونی فلیگ مارچ کے خوف ناک نتائج پراسرائیل کو انتباء

شیخ نبیل قاووق نےبیان میں کہا ہے کہ سعودی عرب اسرائیلی جہازوں کو حرمین شریفین کے اوپر سے پروازوں کی اجازت دینے کا فیصلہ ڈیڑھ ارب سے زائد مسلمانوں کی توہین اور ان کے جذبات بھڑکانے کے مترادف ہے۔

ان کا کہنا تھا کہ جب سعودی عرب اس صیہونی حکومت سے سکیورٹی اور فوجی معاملات میں تعاون کرتا ہے تو ایسے میں یہ حکومت شام، فلسطین اور لبنان میں جاری صیہونی جرائم میں شریک ہوتی ہے اور یہی امر امت سے اس کی خیانت کے لئے کافی ہے۔

خیال رہے کہ سعودی عرب نے اسرائیل کے حمل و نقل کے طیاروں کو سعودیہ کے قوانین کی پابندی کرتے ہوئے اپنی فضاؤں کے استعمال کی اجازت دے دی ہےجس کے نتیجے میں اب پہلی مرتبہ صہیونی شہری بھی سعودی عرب آجا سکیں گے۔