(روز نامہ قدس ۔آنلائن خبر رساں ادارہ ) صیہونی وزیراعظم نے امریکہ باور کرایا ہے کہ ہے اب کی بار امریکی امدد اور حمایت نہ بھی ملی تو بھی اسرائیل رفح پر حملہ ضرور کرے گا۔
غیر قانونی صیہونی ریاست اسرائیل نے غزہ کے سرحدی علاقے رفح پر فوجی آپریشن کے حوالے سے ایک غیر معمولی اعلان کیا ہے ، نیتن یاہو کے دفتر سے جاری بیان میں صیہونی وزیراعظم نے اپنے ہر طرح کے جرائم میں برابر کے شریک اتحادی امریکہ کو باور کرا دیا ہے کہ اگر امریکہ کے لیے رفح پر حملے کے لیے پہلے پانچ ماہ جیسی مدد اور حمایت جاری رکھنا ممکن نہ بھی رہا تو اسرائیل یہ حملہ اکیلے ہی کامیاب بنانے کی کوشش کرے گا۔
بیان نیتن یاہو کے امریکی وزیر خارجہ انٹونی بلنکن کے ساتھ ملاقات کے بعد سامنے آیا ہے۔ نیتن یاہو کے مطابق اسرائیل رفح پر ہر قیمت حملہ کرے گا اور یہ بالکل واضح ہے۔
رفح میں اس وقت غزہ کی نصف سے زیادہ آبادی نے نقل مکانی کر کے پناہ لے رکھی ہے۔ اس انتہائی گنجان آبادی پر حملہ اسرائیلی جنگی منصوبے کا اہم حصہ ہے۔ مگر امریکہ جس نے پچھلے پانچ ماہ کے دوران اسرائیل کی بھر پور مدد کی ہے اب جزوی اختلاف کا شکار ہے۔
نیتن یاہو اسی پس منظر میں کہا ہے اب کی بار امریکی امدد اور حمایت نہ بھی ملی تو اسرائیل یہ حملہ ضرور کرے گا۔ کیونکہ اسرائیل سمجھتا ہے کہ رفح پر حملے کے بغیر حماس کو شکست دینے کی کوئی صورت ہی ممکن نہیں ہے۔