(روزنامہ قدس ۔آنلائن خبر رساں ادارہ ) بلاجواز گرفتار فلسطینیوں میں 107 خواتین سمیت 854 بچے بھی شامل ہیں جن کی عمریں اٹھارہ سال سے بھی کم ہیں جبکہ 680 افراد کو گھروں میں نظر بند کرنے کا حکم دیا گیا ہے۔
مقبوضہ فلسطین میں قیدیوں کی تفصیلات رکھنے والے ادارے کی جانب سے جاری کردہ رپورٹ میں انکشاف کیا ہے کہ قابض صیہونی افواج نے سال 2021 سے تین جون تک 5 ہزار 4 سو 26 فلسطینیوں کو گرفتارکیا۔
واضح رہے کہ قابض افواج مقبوضہ بیت المقدس اور اس کے قرب وجوار میں مقیم فلسطینیوں کو ارض مقدس سے ہجرت پر مجبور کرنے کیلئے غیر انسانی ہتھکنڈے آزادانہ طورپر استعمال کرتی ہے جبکہ اسرائیلی غاصب حکومت اقوام متحدہ سمیت عالمی برادری کی جانب سے فوری طور پر غیر انسانی اقدامات کو رکنے کے مطالبے پر کسی کی بھی بات ماننے پر تیار نہیں ہے۔