فلسطینی قیدیوں کی رہائی کا مطالبہ کرنے والے یونیورسٹی  طلبہ پر صہیونی فوج کی فائرنگ اورتشدد

(روزنامہ قدس ۔آن لائن خبر رساں ادارہ) قیدیوں کی رہائی کا مطالبہ کر نے والے فلسطینی  طلبہ پرقابض فوج نے  لاٹھیاں برساتے ہوئے  ربر کے خول میں لپٹی گولیوں کے براہ راست فائرکیے جس کے نتیجے میں متعدد فلسطینی طلباءزخمی ہوگئے۔

تفصیلات کے مطابق گذشتہ روز قابض ریاست اسرائیل میں صہیونی قابض فوج نے بیرزیت یونیورسٹی کے طلبہ پر اس وقت وحشیانہ تشدد کا آغاز کیا جب وہ قابض حکمراانوں سے اسرائیلی زندانوں میں قید 7 فلسطینی بھوک ہڑتالیوں کی رہائی کا مطالبہ کر رہے تھے ۔

قیدیوں کی رہائی کا مطالبہ کر نے والے فلسطینی  طلبہ پرقابض فوج نے  لاٹھیاں برساتے ہوئے  ربر کے خول میں لپٹی گولیوں کے براہ راست فائرکیے جس کے نتیجے میں متعدد فلسطینی طلباءزخمی ہوگئے۔

واضح رہے کہ اسرائیلی جیلوں میں قید 7 فلسطینیوں نے اپنی غیر قانونی  حراست کے خلاف سےاحتجاجی بھوک ہڑتال شروع کی تھی جو کہ  تقریبا تیسرے  ماہ میں داخل ہوچکی ہےتاہم قابض جیل حکام کی جانب سے تاحال بے حسی کا مظاہرہ کیا جارہا ہے اور فلسطینی قیدیوں کی رہائی کی  منظوری  نہیں دی گئی ہے۔