(روز نامہ قدس ۔آنلائن خبر رساں ادارہ ) فلسطینیوں کی جانب سےرات کے وقت 26 مقامات پر صہیونی آبادکاروں اور قابض ریاست کے خلاف مظاہرے کیے گئےجنہیں روکنے کے لیے صہیونی فوج نے طاقت کا بے دریغ استعمال کیا۔
مقبوضہ فلسطین میں گذشتہ ماہ سے لےکر اب تک چند روز میں صہیونی کھلی جارحیت کے باعث فلسطینیوں کی مزاحتمی کارروائیاں بھی عروج پر رہیں جن میں 21 صہیونی زخمی ہوئےجبکہ درجنوں فلسطینی صہیونی زندانوں میں ڈال دیے گئے۔
رپورٹ کے مطابق فلسطینیوں کی طرف سے متنوع قسم کی مزاحمتی کارروائیوں کی تعداد 748 بتائی جاتی ہےجس میں غرب اردن اور القدس سمیت جنوبی نابلس میں بیتا کے مقام پر جبل الصبیح پر یہودی آباد کاروں کے غاصبانہ قبضے کی کوشش کے دوران فلسطینی شہریوں نے بھرپور رد عمل کا اظہار کرتے ہوئے لگاتار مظاہرےکیے اور صہیونی فوج کی جانب سے بھی فلسطینی مزاحمتی کارروائیوں کو روکنے کے لیے طاقت کا بے دریغ استعمال کیا گیا جس کے نتیجے میں مظاہروں کے دوران 9 اہداف پر صہیونی فوج نے براہ راست فائرنگ کی، چاقو کے تین حملے، گاڑیوں تلے روندنےکے واقعات سمیت بارودی مواد نصب کرنے کا ایک واقعہ ریکارڈ کیا گیا۔
رپورٹ میں گذشتہ روز بھی صہیونی فوجی کارروائی کے دوران نابلس میں رات کے وقت 26 مقامات پر یہودی آباد کاروں اور قابض ریاست کے خلاف مظاہرے کیے گئےجس میں فلسطینیوں کی جانب سے جوابی حملوں میں پتھراؤ اور پیٹرول بموں کے استعمال سے 11 مقامات پر صہیونی فوجی گاڑیوں سمیت آباد کاروں کی گاڑیوں کو نقصان پہنچایااوراملاک کو نذرآتش کیا گیا ۔