(روزنامہ قدس ۔آن لائن خبر رساں ادارہ) وزارت صحت کی رپورٹ کے مطابق صہیونی فوج نے قصبے پر حملہ کیا اور گھروں کی تلاشی کا سلسلہ شروع کر دیا، اس دوران صہیونی سیکیورٹی اہلکاروں نے فلسطینی بچے نافر کو بغیر کسی وجہ کے گولی مار دی۔
قابض ریاست اسرائیل میں گذشتہ روز وزارت صحت کی جانب سے جاری بیان میں تصدیق کی گئی ہے کہ مقبوضہ بیت المقدس کے مشرق میں ابو دیس قصبے میں صہیونی فورسز نے بلا اشتعال فائرنگ کا نشانہ بناتے ہوئےایک 16 سالہ فلسطینی بچے یامن نافز جفال کو شہید کر دیا ہے۔
وزارت صحت کی رپورٹ کے مطابق صہیونی فوج نے قصبے پر حملہ کیا اور گھروں کی تلاشی کا سلسلہ شروع کر دیا، اس دوران صہیونی سیکیورٹی اہلکاروں نے فلسطینی بچے نافر کو بغیر کسی وجہ کے گولی مار دی۔
واقعے کے دوران فلسطینی علاقہ مکینوں کی جانب سے بچے پر گولی چلائے جانے کے خلاف شدید احتجاج کیا گیاجس پر صہیونی فوج نےشدید زخمی بچے کو طبی عملے کے حوالے کر نے سے انکار کرتے ہوئے بھاری مقدار میں آنسو گیس کےشیل برسائے اورشہید کے دم توڑنے تک یہ سلسلہ جاری رہابعد ازاں صہیونی فوج علاقے سے نکل گئی تاہم وقت پر طبی امداد نہ ملنے پریامن نافز جفال کی زندگی بچائی نہ جا سکی۔
صہیونی فوج کی آنسو گیس کی شیلنگ اور براہ راست ربر کے خول میں لپٹی دھاتی گولیوں کے فائر سے متعدد فلسطینی زخمی ہوگئے جنہیں بعد ازاں ہسپتالوں میں طبی امداد دے کر گھروں کو روانہ کر دیا گیا ہے۔