(روز نامہ قدس ۔آنلائن خبر رساں ادارہ ) مقبوضہ فلسطینی علاقے غزہ میں گذشتہ ہفتےجمعے کے روز جنگ بندی معاہدے کوابھی 7 روز ہی گزرے ہیں تاہم صہیونی فوج کے فلسطینیوں پر مظالم میں دوبارہ شدت دیکھی گئی ہے۔
مقبوضہ فلسطین میں جاری کردہ میڈیا رپورٹ کے مطابق قابض صہیونی فوج کی جانب سے جنگ بندی کی مکمل خلاف ورزی جاری ہے اورصیہونی فوج کی پر تشدد کارروائیوں ميں اضافے کی صورت حال نمایاں ہے جس میں ہر عمر کے افراد سے لے کر بچوں اور صحافيوں کو بھی نشانہ بنایا جارہاہےاور قصبہ جارحہ ميں 2 صحافيوں کو گرفتار کرليا گيا۔
رپورٹ کے مطابق الشیخ جراح کے مقام پر قابض فوج کی اندھا دھند فائرنگ سے ايک فلسطینی خاتون کو گولی لگنے کاواقعہ بھی پیش آیا ہےجس سےخاتون کو معذوری لاحق ہوگئی، واقعے کے مطابق صہیونی قبضے کے خلاف آواز اٹھانے پر شيخ جراح ميں اسرائیلی فوج نےاندھا دھند گولياں چلائيں تھی جبکہ جنوبی غزہ ميں 10 برس کے بچے کوفوج پر حملے کے بے بنیاد الزام ميں گرفتار کيا گيا ۔
ادھر الشیخ جراح میں صہیونی ریاست کے احکامات پر قابض صہیونی فوج کا مجبور فلسطینیوں کو طاقت کے زور پر ان کے گھروں سے نکالے جانے کا سلسلہ بھی جاری ہے۔
واضح رہے کہ غزہ میں گذشتہ ہفتےجمعے کے روز جنگ بندی معاہدے کوابھی 7 روز ہی گزرے ہیں تاہم صہیونی فوج اسرائیلی حکام کی منظوری سے فلسطینیوں پر دوبارہ مظالم میں شدت پیدا کر رہی ہے ساتھ ہی مشرقی بيت المقدس کے علاقے میں فلسطینیوں کو اب بھی جبری بے دخلی کا سامنا ہے۔