(روزنامہ قدس ۔آنلائن خبر رساں ادارہ) حراست میں لیے گئے فلسطینی باشندوں کو اپنے اہل خانہ یا وکیل سے ملاقات پر صہیونی جیل انتظامیہ کی جانب سے پابندی عائد کر دی گئی ہے۔
تفصیلات کے مطابق گذشتہ روز اسرائیل کی قابض فوج کی جانب سے پر تشدد کارروائیوں میں اضافہ دیکھا گیا ہے جس کے باعث صہیونی فوج نے فلسطینی شہر الخلیل میں راہ گیر فلسطینی باپ اور بیٹے کو تلاشی کے بہانے روکا اور کسی ممنوعہ شے کی برآمدگی نہ ہونے کے باوجود تشدد کانشانہ بناتے ہوئے صہیونی تفتیشی مرکز منتقل کر دیا۔
اب تک کی موصول ہونے والی اطلاعات کے مطابق صہیونی فوج کی حراست میں جانے والے فلسطینی باپ اور بیٹے کی بلاجواز حراست کے حوالے سے کوئی رپورٹ سامنے نہیں آئی ہے تاہم ان فلسطینی باشندوں کو اپنے اہل خانہ یا وکیل سے ملاقات پر صہیونی جیل انتظامیہ کی جانب سے پابندی عائد کر دی گئی ہے۔