غزہ ۔ روزنامہ قدس ـ آنلائن خبر رساں ادارہ
فلسطینی مزاحمت کاروں نے جمعہ کی شام جنین کے مغربی علاقے سیلہ الحارثیہ میں قابض اسرائیل کی فوجی گاڑیوں کو بم سے نشانہ بنایا، جس کے نتیجے میں علاقے میں شدید جھڑپیں پھوٹ پڑیں۔
مقامی ذرائع کے مطابق قابض اسرائیلی فوج نے متعدد محاذوں سے گاؤں پر چھاپہ مارا اور نوجوانوں کی جانب شدید فائرنگ کی، جس سے گاؤں کی سڑکوں اور اطراف میں جھڑپیں شروع ہوگئیں۔
اسی دوران "سرايا القدس بریگیڈ جنین” نے ایک مختصر بیان میں اعلان کیا کہ اس نے ایک قابض گاڑی کو نشانہ بنانے کی ذمہ داری قبول کی ہے اور بتایا کہ اس کے مزاحمت کاروں نے زمینی بم "طوفان” سے گاڑی کو نشانہ بنایا، جو الزيود محاذ پر تعینات تھی۔
سرايا القدس نے مزید کہا کہ اس کے جنگجو "گاؤں میں مختلف محاذوں پر قابض فوج کے حملوں کا مقابلہ جاری رکھے ہوئے ہیں، حالات اور میدان کی صورتحال کے مطابق کارروائیاں کر رہے ہیں”۔
