روز نامہ قدس ۔آنلائن خبر رساں ادارہ ) حملے میں صیہونی دشمن فوج کے مرکاوہ 4 ٹینک، بکتربند گاڑیوں سمیت جاسوسی کے آلات تباہ کردیئے۔
فلسطین پر قابض غیر قانونی صیہونی ریاست اسرائیل کے مظالم کے خلاف برسرپیکار اسلامی مزاحمتی تحریک حماس کے عسکری ونگ شہید القسام بریگیڈ نے اپنےبیان میں اعلان کیا ہے کہ ان کےمجاہدین نے گذشتہ روز غزہ کے علاقے رفح اور الشجائیہ میں غاصب صیہونی افواج کے خلاف غیر معمولی کارروائیوں کا انجام دیا ۔
القسام بریگیڈز نے ایک فوجی رپورٹ میں کہا کہ القسام کے مجاہدین نے رفح کے علاقے تل السلطان محلے میں صیہونی دشمن کے آپریشن کمانڈ ہیڈ کوارٹر پر حملہ کرنے میں کامیاب ہو گئی جس میں کم سے کم 10 صیہونی فوجی جہنم واصل ہوئے اور متعدد زخمی ہوئے۔
بیان میں بتایا گیا ہے کہ القسام کے مجاہدین نے الناصر صلاح الدین بریگیڈز کے ساتھ مشترکہ آپریشن میں جنوب میں واقع "نیتزارم” محور میں دشمن کے کمانڈ اینڈ کنٹرول سائٹ کو کئی مختصر فاصلے تک مار کرنے والے راکٹوں سے نشانہ بنایا اس دوران اسنائپر ز نے اپنا کام کیا جبکہ مشین گنوں سے دشمن کو روندھ دیا گیا۔
دوسری جانب القسام بریگیڈز نے غزہ شہر کے مشرق میں واقع الشجاعیہ محلے میں بغداد اسٹریٹ کے وسط میں صہیونی "مرکاوہ 4” ٹینک کو "ال یاسین 105” گولے سے نشانہ بنایا جس میں بکتربند گاڑیوں سمیت جاسوسی کے آلات تباہ ہوگئے ۔