اسلام آباد- روزنامہ قدس ـ آنلائن خبر رساں ادارہ
مفتیِ اعظم پاکستان حضرت مفتی تقی عثمانی نے واضح طور پر کہا ہے کہ حماس کو غیر مسلح کرنے کی امریکی کوششوں میں پاکستان کو شامل کرنا کسی صورت قابلِ قبول نہیں ہوگا۔ انہوں نے زور دیا کہ پاکستان نہ تو اس سازش کا حصہ بنے گا اور نہ ہی امتِ مسلمہ کے مظلوم عوام کے خلاف کسی دباؤ یا ایجنڈے کی حمایت کرے گا۔
مفتی تقی عثمانی نے کہا کہ ایسی کسی بھی کوشش کی بھرپور مخالفت کی جائے گی اور قومی و دینی سطح پر اس کے خلاف آواز بلند کی جائے گی، تاکہ پاکستان اور امت مسلمہ کے حقوق اور مصالح محفوظ رہیں۔
