(روز نامہ قدس ۔آنلائن خبر رساں ادارہ ) مقبوضہ کشمیر میں جی 20 اجلاس کے خلاف آل پارٹیز حریت کانفرنس کی جانب سے دی جانے والی کال پر اجلاس کا مکمل بائیکاٹ کرتے ہوئے وادی میں مکمل شٹر ڈاؤن ہڑتال جاری ہے۔
کشمیر پر قابض بھارتی ریاست کی مذہبی جنونی حکومت کی جانب سے مقبوضہ کشمیر میں غیر انسانی پابندیاں عائد کی گئی ہیں، سری نگر میں بھارتی فوج، پیراملٹری فورسز، ایلیٹ نیشنل گارڈز اورکمانڈوز تعینات کیے گئے ہیں۔
سری نگر کے مختلف علاقوں میں بھارتی فوج کی جانب سے دکانداروں کو طلب کرکے دکانیں کھولنے کی ہدایت کی گئی ہے۔ بھارتی فوج اور پولیس کی جانب سے عمل نہ کرنے پر سخت نتائج کی دھمکیاں بھی دی جارہی ہیں۔ تاجروں نے جی 20 اجلاس کے خلاف مکمل شٹر ڈاؤن کرکے اپنا احتجاج ریکارڈ کروایا ہے۔