(روزنامہ قدس ـ آنلائن خبر رساں ادارہ) جمعرات کی صبح درجنوں صہیونی آبادکاروں نے قابض اسرائیلی پولیس کی مکمل سکیورٹی میں مسجد اقصیٰ مبارک کے صحنوں پر دھاوا بولا جس کے ذریعے مقدس مقام کی حرمت کو پامال کیا گیا۔
مقدسی ذرائع نے بتایا کہ آبادکاروں کے گروہ صبح کے اوقات میں باب المغاربہ کے راستے مسجد اقصیٰ میں داخل ہوئے اور قابض اسرائیلی پولیس کی سرپرستی میں قبہ الصخرہ کے سامنے نعرے بازی کی اور موسیقی محفل منعقد کی۔
ذرائع کے مطابق آبادکاروں نے مسجد کے صحنوں میں اشتعال انگیز گشت کیا جس کے دوران کھلے عام تلمودی رسومات ادا کی گئیں جبکہ پورے علاقے میں قابض افواج کی بھاری نفری تعینات رہی۔
آبادکار تنظیمیں جمعے اور ہفتے کے علاوہ روزانہ صبح اور شام کے اوقات میں مسجد اقصیٰ پر یلغار کا سلسلہ جاری رکھے ہوئے ہیں۔ اس کا مقصد مسجد پر زمانی اور مکانی تقسیم مسلط کرنا ہے جو قبلہ اول کی حیثیت کو ختم کرنے کی ایک خطرناک کوشش ہے۔
القدس میں سنہ 2025ء کا اختتام قابض اسرائیلی انتہا پسندی اور جارحیت کے سائے میں ہوا جہاں انسان اور مقدس مقامات دونوں کو نشانہ بنایا گیا۔ دسمبر کا مہینہ خونریزی اور خطرناک خلاف ورزیوں کے اعتبار سے سب سے سنگین ثابت ہوا بالخصوص گھروں کی مسماری مسجد اقصیٰ پر حملوں اور مقدسی شہریوں پر ظلم و ستم میں خطرناک اضافہ ریکارڈ کیا گیا۔
