نابلس: احتجاجی مظاہرین پر صہیونی فورسز کی فائرنگ، متعدد زخمی، درجنوں گرفتار

(روز نامہ قدس ۔آنلائن خبر رساں ادارہ ) فلسطینی خاتون کے قتل کے خلاف فلسطین کے مختلف علاقوں میں احتجاجی مظاہرے ہوئے جن کو متنشر کرنے کے لئے صہیونی فورسز نے طات کا بھرپور استعمال کیا۔

گذشتہ روز مقبوضہ مغربی کنارے کے شہر نابلس کے جنوبی علاقے حوارہ  اسرائیلی فوج کی فائرنگ سے شہید ہونے والی فلسطینی خاتون ایمان زیاد احمد عودہ  کے قتل اور صہیونی فورسز کی  دہشتگردی کے خلاف مقبوضہ فلسطین کے مختلف علاقوں میں  احتجاجی مظاہرے جاری رہے جن کو منتشر کرنے کے لئے اسرائیلی سیکیورٹی فورسز نے طاقت کا بھرپور استعمال کرتے ہوئے  فائرنگ ، آنسو گیس کی شیلنگ کے ساتھ ساتھ  بڑے پیمانے پر گرفتاریاں کیں۔

نا بلس میں پی آر سی ایس کے ایمرجنسی اینڈ ایمبولینس سینٹر کے ڈائریکٹر احمد جبریل نے بتایا کہ اسرائیلی قابض فوج کی فائرنگ سے چار فلسطینی زخمی ہوئے جبکہ  آنسو گیس کی شیلنگ سے درجنوں افراد کو سانس لینے میں دشواری کا سامنا کرنا پڑا۔

واضح رہے کہ فلسطینی وزارت صحت نے بتایا کہ  غاصب صہیونی فورسز  نے 2023 کے آغاز سے اب تک 20 بچوں اور دو خواتین سمیت 108 فلسطینیوں کو شہید کیا ہے۔