(روز نامہ قدس ۔آنلائن خبر رساں ادارہ ) اردنی فرماں رواں شاہ عبداللہ الثانی نے مصر کے صدر عبدالفتاح السیسی اور فرانس کے صدر امانویل میکخواں کے ساتھ مسئلہ فلسطین پر تبادلہ خیال کیا۔
غیرملکی خبر رساں ادارے کے مطابق اردن کے شاہ عبداللہ الثانی نے مصر اور فرانس کے سربراہوں کے ساتھ رابطے کیے گئے ہیں اور فلسطین کی موجودہ کشیدہ صورت حال پر تفصیلی تبادلہ خیال کیا ہے۔
اردنی فرماں رواں کا کہنا تھا کہ اسرائیل کی مسلسل اشتعال انگیزیوں سے فلسطین میں صورتحال دھماکہ خیز ہوئی اور محاذ آرائی شدت اختیار کر گئی ہے، اسرائیل کی خلاف ورزیوں اوراشتعال انگیزیوں کو روکنا ہوگا۔
انہوں نے کہا کہ فلسطینیوں کے تحفظ کے لیے القدس میں اسرائیل کے غیر قانونی اقدامات اورغزہ پر حملےجلد از جلد بند کرانے ہوں گےاور اسرائیل کے جارحانہ حملے بند کرانےسے لے کرفلسطینی علاقوں میں امن و امان بحال کرانے اور امن عمل کو آگے بڑھانے کے لیے مصر، فرانس سمیت دوست ممالک کے ساتھ مل کرکوشیشیں جاری رہیں گی اور اس سلسلے میں اردن کا مؤقف واضح ہے ،اردن فلسطینیوں کی ہر ممکن مدد کرتا رہے گا۔
واضح رہے کہ 8 مئی سے فلسطین، اسرائیل کشمکش بڑھتی جارہی ہے۔ بیت المقدس کے احاطے اور الشیخ جراح محلے میں جھڑپوں سے اس کی شروعات ہوئی تھی جہاں سے اسرائیل فلسطینی خاندانوں کو ان کے مکانوں سے نکال رہا ہے۔