(روزنامہ قدس ۔آن لائن خبر رساں ادارہ) اسلامی جہاد نے مراکشی عوام سے مطالبہ کیا کہ وہبینی گینٹزکے دورے کو مسترد کرتے ہوئے اپنی آواز بلند کریں اور صہیونی دشمن کے ساتھ اپنے ملک کے اتحاد سے دستبرداری کے ساتھ ساتھ تمام فوجی معاہدوں کی منسوخی کا مطالبہ کریں جو فلسطینی کاز کے ساتھ غداری کامظہر ہیں۔
ذرائع کے مطابق گذشتہ روز قابض ریاست اسرائیل کےصہیونی وزیر دفاع بینی گینٹز کےمراکش کے پہلےسرکاری دورے کے خلاف اسلامی جہاد نے حکومتی سطح پر استقبال کی شدید الفاظ میں مذمت کر تے ہوئے کہا ہے کہ کسی بھی عرب اور مسلم ملک میں صیہونی قاتلوں اور دہشت گردوں کا استقبال فلسطینی عوام پر چھرا گھونپنے کے مترادف ہے۔
اسلامی جہاد نے کہا کہ قابض دشمن کے ساتھ اتحادی معاہدے کرنا یا اسلامی ملکوں میں اسرائیل کے لیڈروں کا استقبال کرنا، ہمارے لوگوں اور ہماری سرزمین کے خلاف قابض ریاست کی حوصلہ افزائی اور شراکت داری کے مترادف ہے اور مسجد اقصیٰ پر دشمن کی جارحیت کو تسلیم کرنے کے برابر ہے۔
اسلامی جہاد نے مراکشی عوام سے مطالبہ کیا کہ وہ اس دورے کو مسترد کرتے ہوئے اپنی آواز بلند کریں اور صہیونی دشمن کے ساتھ اپنے ملک کے اتحاد سے دستبرداری کے ساتھ ساتھ تمام فوجی معاہدوں کی منسوخی کا مطالبہ کریں جو فلسطینی کاز کے ساتھ غداری کامظہر ہیں۔
یاد رہے کہ صہیونی وزیر دفاع بینی گینٹزگذشتہ روز اپنی نوعیت کے پہلے سرکاری دورے پرمراکش پہنچے، جس کا مقصد "دونوں فریقوں کے درمیان سیکیورٹی تعاون کو مضبوط بنانا ہے۔