(روز نامہ قدس ۔آنلائن خبر رساں ادارہ ) مقبوضہ جموں و کشمیر میں کل جماعتی حریت کانفرنس نے کشمیریوں کی منصفانہ جدوجہد کو کمزور کرنے کیلئے بھارتی حکومت کی سازشوں کے خلاف احتجاج کیلئے جمعہ کو مکمل ہڑتال کا اعلان کیا ہے اورعوام سے اپیل کی ہے کہ ہڑتال کو کامیاب بنائیں۔
کشمیر میڈیا سروس کے مطابق کل جماعتی حریت کانفرنس کے ترجمان کی جانب سےجاری بیان میں کشمیری عوام سے کہا گیاہے کہ وہ مقبوضہ علاقے میں کالے قوانین کے تحت اپنے شہری حقوق پر قدغن ، کریک ڈاﺅنز کے دوران کشمیری نوجوانوں کے بڑے پیمانے پر قتل عام اور گرفتاریوں سمیت مسلمان ملازمین کی ملازمتوں سے جبری برطرفی کے خلاف احتجاج کیلئے جمعہ کو مکمل ہڑتال کریں۔