(روز نامہ قدس ۔آنلائن خبر رساں ادارہ ) شہید فلسطینی کو صہیونی فوج نے اندھا دھند فائرنگ کا نشانہ بناتے ہوئے کمر میں کئی گولیاں ماری تھیں جس کے باعث فلسطینی جان کی بازی ہار گیا۔
فلسطینی وزارت صحت کے جاری کردہ بیان کے مطابق گذشتہ روزمقبوضہ غرب اردن کے علاقےمیں قابض فوج کی بلاجواز اندھا دھند فائرنگ کے نتیجے میںابووین سے تعلق رکھنے والے 17 سالہ ایک اور فلسطینی یوسف نواف محارب شدید زخمی ہونے کے بعد ہسپتال میں علاج کے دوران زخموں کی تاب نہ لاتے ہوئے شہید ہوگیا۔
واضح رہے کہ ماہِ اپریل میں اسرائیلی فورسز اور صہیونی آبادکاروں کی طرف سے مقبوضہ بیت المقدس سمیت دریائے اردن کے مغربی کنارے اور اسرائیل کے اندر واقع عرب شہروں پر حملوں میں بیسیوں فلسطینی شہیداور ہزاروں زخمی ہو گئے تھےجبکہ متعدد کو اسرائیل کی صہیونی فوج نےحراست میں لیتے ہوئےنامعلوم مقام پر منتقل کر دیا تھا۔