(روزنامہ قدس ۔آن لائن خبر رساں ادارہ) صہیونی فوج کے اس ظلم کے نتیجے میں ابوکاف خاندان کے بچوں سمیت دیگر افراد بے گھر ہو گئے اور اپنےقانونی گھر کو مسمار ہوتے دیکھتے رہے۔
ذرائع کے مطابق گذشتہ روز مقبوضہ بیت المقدس کے قصبے صور بہار سے تعلق رکھنے والے فلسطینی شہری ابراہیم ابو کاف کا گھراس وقت مسمار کر دیا گیا جب شہری نے اپنے گھر کے قانونی کاغذات صہیونی فوجیوں کو دکھاکر بھاری بلڈوزروں اور مشینری کو واپس لے جانے کی درخواست کی ۔
عینی شاہدین نے بتایا کہ ابو کاف نے قابض فوج کے مسماری کے نوٹس کے بعد صہیونی بلدیاتی ادارے میں اپنے مکان کے کاغزات جمع کرائے تھے اور انہیں قانونی منظوری دے دی گئی تھی تاہم ایک ہفتے کے بعد قابض فوج بلدیہ کی بھاری مشینری کے ساتھ فلسطینی کے گھر پر پہنچ گئے اور انہدامی کاکام شروع کردیا۔
صہیونی فوج کی جانب سے مؤقف اختیار کیا گیا کہ یہ مکان بغیر اجازت کے تعمیر کیا گیا تھا جس کے باعث کارروائی عمل میں آئی البتہ صہیونی فوج کے اس ظلم کے نتیجے میں ابوکاف خاندان کے بچوں سمیت دیگر افراد بے گھر ہو گئے اور اپنےقانونی گھر کو مسمار ہوتے دیکھتے رہے۔