(روز نامہ قدس ۔آنلائن خبر رساں ادارہ) گذشتہ 24 گھنٹوں کے دوران صیہونی فوج کے حملوں میں 16 لبنانی شہری شہید اور 90 دیگر زخمی ہوئے۔
مقبوضہ فلسطین کے محصور شہر غزہ پر اسرائیلی دہشتگردی کے آغاز سے لبنانی مزاحمتی تحریک حزب اللہ نے مظلوم فلسطینیوں کے شانہ بشانہ غیر قانونی صیہونی ریاست اسرائیل کے ساتھ اعلان جنگ کیا ہوا ہے، صیہونی افواج کے ساتھ مسلسل 44ویں روز حزب اللہ کی خونریز جنگ جاری ہے۔ اسرائیل کی جا نب سے لبنان کے مختلف علاقوں پر درجنوں فضائی حملے اور توپ خانے سے گولہ باری کی جارہی ہے اور اس کے جواب میں حزب اللہ کے مجاھدین بھی قابض دشمن کے خلاف بہادری سے لڑرہے ہیں اور صیہونی دشمن کی زمینی جارحیت کا مقابلہ کررہے ہیں۔
لبنان کی وزارت صحت نے اعلان کیا ہے کہ آٹھ اکتوبر 2023ء کو لبنان کے خلاف اسرائیلی فوجی جارحیت کے آغاز سے اب تک شہداء کل تعداد تقریباً 3,002 ہوگئی ہے جب کہ 13,492 زخمی ہوئے ہیں۔
وزارت صحت نے اعلان کیا کہ گذشتہ لبنانی قصبوں پر اسرائیلی حملوں میں 16 لبنانی شہید اور 90 دیگر زخمی ہوئے۔اتوار کی شام لبنان کے جنوب میں البازوریہ قصبے میں اسلامک ہیلتھ اتھارٹی کے ہیڈ کوارٹر پر قابض فوج کی بمباری سے تین شہری شہید ہوگئے۔
فوجی طیاروں نے مغربی بقاع کے قصبے سوہمور میں ایک مکان پر حملہ کر کے اسے مکمل طور پر تباہ کر دیا۔تاہم کسی جانی نقصان کی اطلاع نہیں ملی ہے۔قابض طیاروں نے ضلع نبطیہ کے قصبوں انصار اور عبا کے درمیانی علاقے پر بمباری کی، جب کہ توپ خانے سے برج الملوک اور خیام قصبے کے مضافات میں کئی گولے برسائے۔