(روز نامہ قدس ۔آنلائن خبر رساں ادارہ ) شہید ہونے والے دونوں بچوں کے باپ کا کہنا ہے کہ اس کے بچے گلی میں کھیل رہے تھے اس دوران اسرائیلی میزائل نے ایک شخص کو دوبار نشانہ بنایا جس کے نتیجےمیں میرے بچے بھی شہید ہوگئے۔
قابض صیہونی فوج کی جانب سے غزہ کے متعدد مقامات میں وحشیانہ بمباری جاری ہے جس سے اب تک 24 شہری شہید ہوچکے ہیں، شہید ہونے والوں میں ایک جسمانی معذور، ایک خاتون اور 9 بچے شامل ہیں جبکہ 100 سے زائدزخمی ہوگئے ہیں۔
صیہونی بمباری سے شہید غزہ کے علاقے بیت ہانون سے تعلق رکھنے والے دو سگے بہن بھائی 11 سالہ ابراہیم اور 7 سالہ مروان کے والد یوسف المصری کا کہنا ہے کہ اسرائیل معصوم بچوں کا قاتل ہے، میرے بچے گھر کے باہر کھیل رہے تھے اس دوران اسرائیلی میزائل نے ایک موٹر سائیکل سوار شخص کو دومرتبہ نشانہ بنایا ، اس میزائل سے میرے دونوں بچے شہید ہوگئے۔
انھوں نے کہا کہ دنیا کا کوئی بھی قانون گنجان آباد شہری علاقوں میں اپنے مطلوبات اہداف کو نشانہ بنانے کی اجازت نہیں دے سکتا ہے یہ ایک سنگین جنگی جرم ہے۔